"Казан арты" музее

Гөберчәк авылында яшәүче сугыш чоры балалары белән очрашып, үткән гомер агышында булган вакыйгаларны барлау максатыннан истәлекләр языла. Элеккеге фотоларга нигезләнеп, хатирәләр яңартыла. Шундыйларның берсе — Мәсәния Сәетова. Ул — сугыш чоры баласы. Балачагын искә алганда күз яшьләрсез генә сөйләү мөмкин түгел. «Авыр чорда тудык. Юклык заманы. Теләгәнеңне ашап яки киеп булмый торган вакытлар. Хәзерге тормышны карагыз: ашыйм дисәң өстәл тулы ризык, нинди генә киемнәр юк. Безнең әти- әниләр шундый рәхәт тормышта яши алмады»,- ди Мәсәния апа. Фотоларга карап, күптән вафат булган ирен искә алып, аның хезмәт юлын да искә төшерде ул. Киләчәк буынга бәхетле киләчәк теләп, үткәннәр күңелдә генә саклансын дигән теләктә яши Мәсәния апа Сәетова.