Герой-укытучыга багышланган күргәзмә ачылды

Бүген күргәзмәләр залында Арча ягының горурлыгы, Ленин ордены, Почет билгесе кавалеры, үзенең авыр, ләкин мактаулы хезмәте өчен иң зур дәрәҗә — Социалистик Хезмәт Герое исеменә лаек булган укытучы Габдрахманова Стэлла Зәкиевнага багышланган күргәзмәне ачу тантанасы булды.

Татарстанның атказанган мәдәният хезмәткәре Клара Мәрдан кызы Филиппова белән очрашу

Сагыну җырын көйли җилләр дә…

Бүген Арча шәһәрендәге “Казан арты” тарих-этнография музеенда Россиянең халык мәгарифе отличнигы, шагыйрә Рәйсә Насретдинованың тууына 90 ел тулу уңаеннан “Сагыну җырын көйли җилләр дә…” дип исемләнгән әдәби-музыкаль кичә узды.

Аның кызы, үзе дә 42 ел дәвамында педагог булып эшләүче Наилә Галимуллина: 1954 елда әниебез шул ук урамда яшәүче Зариф исемле егеткә кияүгә чыга. Зөләйха әбигә өченче килен булып килә. Әбинең дә, ике киленнең дә ирләре сугышта һәлак булган. Ул әнине килеп итеп түгел, ә укытучы буларак кабул итә: дәресен әзерләсен, җәмгать эшендә катнашсын, укытуын калдырмасын. Зөләйхә әби: “Минем өйгә килгәч Рәйсәнең укытуы начарланды, дигән сүзне ишетмим!” – дип әйтә торган булган. Бер-бер артлы дүрт бала дөньяга килгәнбез. Әни: “Кызым, кеше белән аралашканда беркайчан да капчыкның төбен селкемә, сабыр бул!” дип сөйли торган иде. Ул гомере буе дәфтәр тикшереп, план төзеп яшәсә дә, миңа рус теле укытучысы булма, дип әйтмәде. Ә әтием: “Кызым, педагогика институтына бар, гомерең буе күңелең яшь калыр”, – диде. Мин Арча педагогика көллиятенә укытырга килгәч әнием бик шатланды. Ул үзенең кыска гына гомерен кешеләр өчен файдалы итеп уздырды һәм безне дә халыкка файдалы булырлык итеп үстерде”, – дип истәлекләре белән уртаклашты.

Очрашуга Рәйсә Насретдинованың балалары, укучылары, аның иҗатын сөючеләр килгән иде.

 

 

Сталинградчыларны искә алу

Кичә «Казан арты» тарих-этнография һәм Иске Кишет авылындагы Советлар Союзы Герое Гани Сафиуллин музей-йортында Сталинград сугышында катнашкан Арча каһарманнарын искә алдык.

 

Р.Насыйбуллина китабын укучыларга тәкъдим итү

Россиянең мәгариф отличнигы, озак еллар Ташкичү мәктәбе директоры булып эшләгән Рузалия Насыйбуллинаның «Тормыш тәгәрмәчләре» исемле китабын укучыларга тәкъдим итү кичәсе булды.  Китаптан авторның иҗаты, тормыш юлы һәм истәлекләре белән танышырга мөмкин.

Әдәби мәйдан

«Казансу» паркындагы «Әдәби мәйдан» язучы, якташыбыз Равил Вәлиевка багышланды, аның иҗатына багышланган күргәзмә оештырылды.

Моңлы сазым

Бүген «Казан арты» тарих-этнография музеенда «Моңлы сазым» дип исемләнгән әдәби-музыкаль кичә узды. Анда Арча, Балтач, Кукмара, Биектау, Теләче районнарыннан килгән 10 класс укучылары чыгыш ясады. Соңыннан Татарстанның атказанган укытучысы Фәргать Зыятов «Тукай һәм Өчиле» дигән темага лекция укыды.

Тарихи вакыйганы искә алу

Моннан нәкъ 60 ел элек, 1957 елда Мәскәү каласында татар әдәбияты һәм сәнгате ункөнлеге була. Әлеге вакыйгада республикабыз театрлары, филармония артистлары белән бергә Арча районы үзешчәннәре дә чыгыш ясый. Бу атнада музеебызда әлеге вакыйгаларны үз күзе белән күргән артистлар белән очрашу булды. Сәхнә ветераннары декада турында истәлекләрен сөйләде, шул чордагы җырларны башкарды.

Гүзәл Әдһәм иҗатына багышланган күргәзмә

9 март көнне якташыбыз, Наласа авылында туып үскән язучы, педагог, филология фәннәре кандидаты, Татарстан Язучылар берлеге әгъзасы Гүзәл Әдһәм олуг юбилеен уздырды. Аны гомер бәйрәме белән ихлас күңелдән котлыйбыз, саулык-сәламәтлек телибез.

Шул уңайдан музеебызның әдәбият-сәнгать бүлегендә язучы иҗатына багышланган күргәзмә эшли. Рәхим итегез!!!

«Ызандашлар» очрашуы

Бүген «Казан арты» тарих-этнография музеенда «Ызандашлар» очрашуы булды. «Ызандашлар»  — Арча һәм аңа чиктәш булган районнарның әдәби берләшмә җитәкчеләрен,  актив иҗат итүчеләрен социаль челтерләрдә, ватсапта берләштерә торган төркем. Ул 2016 елда Арча шәһәрендә яшәп иҗат итүче язучы, шагыйрь Зиннур Тимергалиев инициативасы белән оешты. Хәзерге көндә төркемдә 54 каләм әһеле бар.

 

Аудио


Башка язмалар
вход
Яндекс.Метрика