"Казан арты" музее

Туймадым әле тормыштан

Туймадым әле яшәүдән

Ялгыз тормыш сөйрәп тә.

Яшәү кадерен белергә

Тормыш үзе өйрәтә.

Рәхәттән беркем дә туймый,

Тормышлар бит бигрәк шәп.

Оныкчыкларны күргәнче,

Яшәргә иде әле исәп.

Туймадым әле яшәүдән,

Дөнья матур, дөнья киң.

Сугыш кына кабынмасын,

Илләр тыныч булсын, дим

Мин – сугыш елы баласы,

Җанымда  — газаплары.

Иминлектә үтсә иде,

Гомерем азаклары, -дип яза бүген гомер бәйрәмен билгеләп үтүче шигъри күңелле, сугыш чоры баласы Роза Вәгыйз кызы Шәйхетдинова. Тормыш юлыгызда  күп сынаулар үтәргә туры килсә дә, бүгенге көнегез матур һәм якты Сезнең. Мәгънәле, эчтәлекле шигырьләрегез һәркемдә  соклану уята.  Гүзәл туган як, иң кадерле кешеләр —  әти-әни, яшьлек, мәхәббәт, хезмәт кешесенә дан җырлаган әсәрләрегездән   һәрвакыт җылылык бөркелә. Роза Вәгыйз кызы Сезне чын күңелдән туган көнегез белән котлыйбыз! Ходай биргән гомерегезне сәламәт булып, күңел тынычлыгында, кайгы-хәсрәтсез, борчу-мәшәкатьсез, шатлык-сөенечләр белән яшәргә язсын.

Сталинградская битва — одно из важнейших и крупнейших генеральных сражений Великой Отечественной войны. В этом сражении приняли участие и наши земляки. Ежков Валентин Федорович в тяжелых боях с наступающим противником командовал бронебойщиками. В конце декабря 1942 года дивизия вместе с другими соединениями Второй гвардейской армии была переброшена под Сталинград и заняла дорогу на пути наступления ударной группировки генерал-фельдмаршала Манштейна, рвавшейся на помощь окруженным войскам. Четыре дня артиллеристы и бронебойщики метким огнем встречали танки в открытой степи. Фашисты многократно подкатывались вплотную к позициям полка, но ни разу не смогли пробить оборону гвардейцев. На поле стояло уже несколько уничтоженных машин. И в это время, при отражении одной из атак, Ежков был тяжело ранен. Из госпиталя он возвратился в свою часть. На погонах мужественного офицера появилась еще одна звездочка, и он стал командовать ротой…
Светлая память защитникам Сталинграда. Поклонимся Великим тем годам…
#ГероиСоветскогоСоюза#нашиземляки#арскультура#казанартымузее

Арчаның «Өмет чаткысы» мөмкинлекләре чикле балалар һәм яшүсмерләрне тернәкләндерү үзәгеннән килүчеләр өчен музей ишекләре һәрвакыт ачык.  Бүген алар музеебызда экскурсиядә булдылар. Музей экспозициясе белән якыннарак таныштылар,  “Россия прокуратурасына  — 300 ел” исемле күргәзмәне игътибар белән карадылар.

12 гыйнварда Россия прокуратурасы төзелүгә 300 ел тулды. Әлеге истәлекле вакыйга уңаеннан Арча районы прокуратурасы буенча музейда күргәзмә һәм аны ачу тантанасы оештырылды.  Күргәзмә ачуда Арча районы прокуроры  Шәйхаттаров Фәнис Ринат улы һәм аның җитәкчелегендә прокуратура хезмәткәрләре катнашты.

Яңа ел — һәркемнең иң яраткан һәм көтеп алган бәйрәмнәренең берсе.   Истәлекле вакыйгалары, хезмәт уңышлары, борчу-мәшәкатьләре белән тагын бер ел тарих булып кала. Үтеп баручы елга йомгак, нәтиҗәләр ясала.

Узып баручы ел гади генә булмады. Пандемия һәркемгә борчу-хәсрәтләр алып килде. Шулай булса да, музеебызда саклык чаралары күрелеп  экскурсияләр, төрле темаларга очрашулар, иҗат кичәләре үткәрелде.

Сезне чын күңелдән җир өстенә аклык-пакьлек алып килгән  Яңа ел бәйрәме белән тәбрик итәбез!  Киләсе ел бәхетле мизгелләр, яхшы хәбәрләр, саулык-сәламәтлек, хезмәт дәрте алып килсен, шатлык-куанычлар гел янәшә йөрсен! Һәркемгә иминлек, эшегездә һәм шәхси тормышыгызда уңышлар телибез! Яңа ел белән!

Төкле аягың белән кил!

Сине көтәбез, Яңа ел,

Яңа өметләр белән.

Барчабыз да сагынып көттек,

Сагынып көттек, уз түрдән.

Төкле аягың белән кил,

Синдә – өмет, ышаныч.

Һәр көн шатлык белән тусын,

Килсен бәхет, куаныч.

Төкле аягың белән кил,

Ил табыны мул булсын.

Яшьләр ныклы гаилә корсын,

Сабыйлар туып торсын.

Кайгы-хәсрәт, борчылулар

Тик иске елда калсын.

Карлары да, яңгыры да

Үз вакытында яусын.

(Роза Шәйхетдинова)

25 декабрь көнне Арча шәһәрендә Үзәк чыршы ачу тантанасында «Казан арты» музее хезмәткәрләре дә актив катнашты. «Музей-йортка» килгән кунаклар бер-берсен котлап открытка язу традицияләрен яңарттылар, балалар пазл җыйдылар һәм искиткеч күргәзмә белән белән таныштылар. Кунакларны Кыш бабай түрдән үк каршы алды. Музеебызның иң актив кызлары күмәк биюдә катнашты.

Якынлашып килүче 2022 ел безгә зур куанычлар, ак бәхетләр һәм иминлек алып килсен!