"Казан арты" музее

«Казан арты» тарих-этнография музеенда Мөхәммәт Мәһдиевнең тууына 85 ел тулу уңаеннан искә алу кичәсе булды, әдипнең шәхси әйберләреннән, китапларыннан күргәзмә оештырылды. Әлеге чарага язучының кызы ТР Фәннәр академиясенең фәнни-оештыру бүлеге җитәкчесе, филология фәннәре кандидаты Гәүһәр Хәсәнова да кайткан иде. Соңрак очрашу кичәсе Арча педагогика көллиятендә дәвам итте.