"Казан арты" музее

Фәһмиева Гөлниса  – Арча районы Сеҗе авылында туган. Мөхәммәт мәһдиевне 1947 елда Сеҗе мәктәбендә беренче тапкыр каршы алган укытучы. Калган гомерен Иске Му авылында яшәде.. Ветеран укытучы бик таләпчән, максатчан, кырыс холыклы кеше иде. М.Мәһдиев белән бер очрашуы вакытында Сеҗе мәктәбендә укыткан вакытларны язуын үтенә. Язучы Гөлниса апаның гозерен истә тотып, “Ни хәлең бар, укытучы апа?” исеме астында мәкалә яза. Ул “Азат хатын” журналында басылып чыга. Гөлниса апа шул журналны үзендә саклаган. М.Мәһдиев белән гел элемтәдә торып, иҗатын хөрмәтләп яшәүче ветеран укытучы. Музейга килгәндә дә буш кул белән килми иде ул, я гөл, я үзе бәйләгән кул эше бүләк итә иде. Аның сөйләгән истәлекләре М.Мәһдиев турында Әхтәм Зарипов төшергән документаль фильмга керде.

Әдәбият:  Габидуллина Х. Мөхәммәт Мәһдиев геройлары // Арча хәбәрләре. – 2008. – 11 апр.

Габидуллина Х.