"Казан арты" музее

Кытайның شىنجاڭ ئۇيغۇر ئاپتونوم رايونى -Шенҗаң-уйгур автоном районында яшәүче милләттәшебез, кытай теле белгече, галим һәм шагыйрь Гыйззәтулла Әнвәр улының бабасы Хәсән ХIХ гасырда ук Арча төбәгеннән китеп Шәркый Төркстанга (хәзер Кытай җирләре) барып төпләнгән. «Безнең нәсел-тамырлары да Арча төбәгенә барып тоташа. Арча — безнең  ата-бабалар туфрагы. Алар бу төбәкне еш искә алганлыктан, күңел түренә кереп калган җир», — дип, бабасының туган җирен сагынып яшәве турында сөйләде безгә Гыйззәтулла ага. Бу сагыну сагышы Гыйззәтулла Хәсәнгә дә күчкән.  Аның шул уңайдан язылган “Казан арты, Арча ягы…” дип исемләнгән шигырен сезгә дә тәкъдим итәбез.