Барда җыены — 2017

Пермь өлкәсенең Барда авылында җыен үтте. Анда «Казан арты» тарих-этнография музее хезмәткәрләре Арча музейлары һәм Тукай турында күргәмә оештырды. Күргәзмә белән өлкә губернаторы, район җитәкчеләре дә танышты.

Парад — 2017

Җиңү күргәзмәсе

«Казан арты» тарих-этнография музеенда Бөек Җиңүгә багышланган күргәзмә эшли. Анда якташ әдипләребезнең сугыш турындагы әсәрләре, шул чорга нисбәтле фоторәсемнәр, документлар белән танышырга мөмкин. Госман Бакиров (1896-1982), Гомәр Бәширов (1901-1999), Сибгат Хәким (1911-1986),  Мостафа Ногман (1912-1976), Әнәс Галиев (1920-1996), Рафаил Төхфәтуллин (1924-1994) Бөек Ватан сугышында катнашалар.

Музейда уникаль күргәзмә эшли

Бүген бөек шагыйребез Габдулла Тукайның туган көне. Шул уңайдан музеебызда күргәзмә эшли. Анда уникаль китаплар, фоторәсемнәр һәм шагыйрьнең нәсел шәҗәрәсе белән танышырга мөмкин.

Гүзәл Әдһәм иҗатына багышланган күргәзмә

9 март көнне якташыбыз, Наласа авылында туып үскән язучы, педагог, филология фәннәре кандидаты, Татарстан Язучылар берлеге әгъзасы Гүзәл Әдһәм олуг юбилеен уздырды. Аны гомер бәйрәме белән ихлас күңелдән котлыйбыз, саулык-сәламәтлек телибез.

Шул уңайдан музеебызның әдәбият-сәнгать бүлегендә язучы иҗатына багышланган күргәзмә эшли. Рәхим итегез!!!

Күргәзмәләргә рәхим итегез!

Музейның әдәбият һәм сәнгать бүлегендә 21 февраль — Халыкара туган тел көне, 23 февраль — Ватанны саклаучылар көненә багышланган күргәзмәләр эшли. Рәхим итегез.

Илдар Вәлиуллин күргәзмәсе

“Казан арты” тарих-этнография музееның күргәзмәләр залында 23-30 гыйнвар көннәрендә рәссам Илдар Вәлиуллинның күргәзмәсе эшли. Рәхим итегез. Ачылыш тантанасыннан фоторепортаж:

«Кыш бабай китапханәсе»

«Казан арты» тарих-этнография музееның әдәбият-сәнгать бүлегендә «Кыш бабай китапханәсе» дигән китап күргәзмәсе эшли. Анда Арча ягыннан чыккан әдипләрнең Кыш бабай, кыш фасылы турындагы әсәрләре, китаплары тупланган. Музейга килгән һәр балага Шәфигулла Гарипов алар турында бик җентекләп сөйли. Килми калмагыз!

II районара М.Мәһдиев укулары

Г.Камал исемендәге Сикертән төп гомуми белем мәктәбендә Татарстанның халык язучысы, Г.Тукай исемендәге Дәүләт премиясе лауреаты М.Мәһдиевкә багышланган II районара М.Мәһдиев укулары булып узды. Арча районы мәгариф идарәсе җитәкчесе З.М. Дәүләтбаев укучыларның иҗади сәләтләрен ачуда Мәһдиев укуларының өлеше зур булуын билгеләп үтте.
Укучыларга төрле юнәлешләрдә эзләнү эшләре бирелгән иде: «Шигърият бакчасында»; «Хикәя остасы»; “М.Мәһдиев иҗатында мәктәп темасы һәм укытучы образы”; “М.Мәһдиевнең иҗади мирасы”; “Тормыштан алынган геройлар”; “М.Мәһдиев әсәрләренең тел-сурәтләү чаралары”.
Мәгариф идарәсе методисты Э.Г. Мостафина укучыларның талантын югары бәяләде, җиңүчеләргә дипломнар һәм бүләкләр тапшырды.
Конференциядә Гөберчәк авылындагы М.Мәһдиев музее җитәкчесе Халидә Габидуллина күргәзмә оештырды.

Арчада Шәһидә Максудова-Ахунованы искә алдылар

Арча шәһәренең 5 нче гимназиясендә якташыбыз Гариф Ахуновның хатыны, язучы, тәрҗемәче Шәһидә Максудова-Ахунованы искә алу кичәсе булды. Әлеге чарада «Казан арты» тарих-этнография музее хезмәткәрләре Ахуновлар гаиләсе турында күргәзмә оештырды. Ш.Гарипов гимназия укучыларын бер гаиләдән чыккан биш язучы — Гариф Ахунов, Шәһидә Максудова, Наилә Ахунова, Борис Вайнер һәм Рәшит Ахуновларның иҗаты белән таныштырды.

Аудио


Башка язмалар
Публикация
вход
Яндекс.Метрика