1238 номерлы «Кызыл Йолдыз» медале
07.04.2020 | Рубрика: Яңалыклар
Салихов Гатаулла Салих улы 1924 елның 1 гыйнварында хәзерге Татарстан Республикасы Арча районы Түбән Оры авылында туган. Милләте – татар. Җидееллык мәктәп тәмамлаган. Колхозда эшләгән. 1942 елдан- Совет Армиясендә. 1943 елдан- КПСС әгъзасы.
1943 елның февралендә — хәрәкәттәге армиядә.
518 нче укчы полк отделение командиры( Брянск фронты,63 нче армия,129 нчы укчы дивизия) сержант Салихов 1943 елның 12 июленнән 3 сентябрьгә кадәр Большой Малиновец һәм Сетуха авыллары янындагы сугышта зур батырлыклар күрсәткән. Снайпер мылтыгы һәм пулеметтан ут ачып, 40 тан артык дошманны юк иткән. Кискен сугыш барышында башта взвод командирын, аннан соң рота командирын алыштырып, сугышчыларны штыклы һөҗүмгә күтәреп, дошманга ташланган.
1943 елның 27 августында аңа Советлар Союзы Герое исеме бирелгән. 1943 елда Ташкентта тизләтелгән пехота училищесын, ә 1944 елда “ Выстрел” курсын тәмамлаган.
1945 елда өлкән лейтенант Салихов сугыштан кайтып, Мәскәү шәһәрендә яши. “ ВНИПИ Энергопром”да эшләп пенсиягә чыга. Ленин, 1 дәрәҗә Ватан сугышы, Кызыл Йолдыз орденнары, медальләр белән бүләкләнә.
2012 елның 16 февралендә вафат.
