Сикертәндә

Бүген музеебызның Гөберчәктәге филиал җитәкчесе Халидә Габидуллина белән Сикертәндә яшәүче Минзада Газизова һәм Илһам Мәһдиевләрнең язучы М.Мәһдиев турындагы истәлекләрен язып алдык.

«Алтын көз»

Бүген музей хезмәткәрләре балалар белән «Алтын көз» дигән темага табигый материаллардан шундый әйберләр ясады

«Сөмбелә» бәйрәмендә

Музей хезмәткәрләре «Сөмбелә» бәйрәмендә «Фотоларда — Арча» дигән күргәзмә оештырды

Күргәзмә

Арчаның Җиңү паркында «Әдәби мәйдан» һәм «Иске Арча» күчмә күргәзмәсе оештырылды

Яңа китап

Бүген Арча шәһәрендә Арча төбәге әдипләренең иҗаты тупланган 1-4, 5-8, 9-11 сыйныф укучылары өчен төзелгән “Без бит – Арча яклары” исемле дәреслек-хрестоматияне тәкъдир итү кичәсе булды. Чарада район хакимияте башлыгы Илшат Нуриев, РФ Дәүләт Думасына депутатлыкка кандидат Илдар Гыйльметдинов, ТР Язучылар берлеге рәисе Данил Салихов, районнан чыккан язучылар, журналистлар катнашты.

Музеебыз кунагы — Наил Касыйм

10 сентябрь көнне «Казан арты» тарих-этнография музеенда кунакта якташыбыз — шагыйрь, бик күп җырлар авторы, Татарстан Республикасының атказанган сәнгать эшлеклесе, Татарстан Язучылар берлеге әгъзасы Наил Васыйл улы Касыймов булды. Музеебыздагы үзгәрешләргә кунакларыбыз уңай бәя бирде, музей хезмәткәрләренә үзләренең олы рәхмәтен җиткерделәр.

Арчада парк-пляж ачылды

Бүген Казансу яры буенда менә шундый парк-пляж ачылды. Аны рәсми ачу тантанасында Татарстан Республикасы Премьер-министры Илдар Халиков, Россия Дәүләт Думасына депутатлыкка кандидат Илдар Гыйльметдинов һ.б.кунаклар катнашты. «Казан арты» тарих-этнография музее хезмәткәрләре Арчаның әүвәлге фоторәсемнәреннән күргәзмә оештырды.

«Бәчек-Арча дуслыгы»

Яшел Үзән районы Бәчек авылында Габдулла Тукайның әнисенең сеңлесе Бибисаҗидә яшәгән, ә аның кызы Өммеһания Бәчектә озак еллар мәктәп директоры булып эшләгән. Аларның Бәчек авылында яшәгән һәм эшләгән елларындагы истәлекләрен барлау максатында без анда булган идек. Ә 12 август көнне Бәчек һәм Урысбага авылы укытучылары, мәдәният хезмәткәрләре, укучылары Габдулла Тукайның туган авылы Кушлавычка килделәр. Аларны милли киемнәрдә Кушлавыч яшьләре җырлы-биюле уеннар оештырып каршы алдылар.Кунаклар андагы музей белән якыннан таныштылар, бигрәк тә Бибисаҗидә апа һәм аның балалары белән бәйле экспонатларны зур кызыксыну белән карадылар. Авыл халкы белән мәдәният йортында Габдулла Тукайның тууына 130 ел тулуга багышланган бай эчтәлекле кичә оештырдылар. Кичә барышында Бибисаҗидә апаның оныгы Әнисә апа һәм башка туганнары, Орнашбаш авылы тарихын язучы Мөнир Касыймов үзләренең истәлекләрен сөйләделәр.Аннан соң Яңа Кырлайдагы Габдулла Тукай музеенда, Арчаның “Казан арты” тарих-этнография музеенда булдылар, Арча шәһәре белән таныштылар. Аларны район мәдәният бүлеге җитәкчесе Рамил Мөхетдинов каршы алды һәм озатып йөрде. Бу очрашуларны оештыруга Тукай фондының Яшел Үзән филиалы җитәкчесе Клара Филиппова зур ярдәм итте.





Гариф Ахуновның оныгы Арчада

Гариф Ахуновның Сан-Францискода яшәүче оныгы Ахунов Ренат Рәшит улы музеебызның әдәбият-сәнгать бүлегендә булды



«Сугыш вакытында марҗалар Саҗидә абыстайның китапларын ягып җылындылар»

Габдулла Тукайның сөекле апасы Бибисаҗидә һәм аның ире Әхмәтсафа Әтнә районы Каенсар авылында мулла һәм абыстай булып яшәгән. Г.Тукай аларга берничә мәртәбә кунакка килгән. Авылдагы өлкән буын кешеләреннән әлеге шәхесләр турындагы истәлекләрне язып алдык

Аудио


Башка язмалар
вход
Яндекс.Метрика