"Казан арты" музее

Районыбызда әдәбият галиме, текстолог, педагог Хәй Хисмәтуллинны искә алу кичәсе булды. Әлеге кичәгә галимнең оныгы, физика-математика фәннәре кандидаты, РФА Казан фәнни үзәгенең Механика һәм машина төзелеше институты галимәсе Наилә Хисмәтуллина да кайтты. Мөхтәрәм кунак музеебыз фондына бабасы Габделхәйнең (Хәй) басылып чыккан, хәзер китапханәләрдә бик аз санда гына сакланып калган китапларын, фоторәсемнәрен тапшырды. Искә алу кичәсе галимнең туган авылы Кысна, Ашытбаш мәктәпләрендә дәвам итте.