Котлыйбыз!

Туймадым әле тормыштан

Туймадым әле яшәүдән

Ялгыз тормыш сөйрәп тә.

Яшәү кадерен белергә

Тормыш үзе өйрәтә.

 

Рәхәттән беркем дә туймый,

Тормышлар бит бигрәк шәп.

Оныкчыкларны күргәнче,

Яшәргә иде әле исәп.

 

Туймадым әле яшәүдән,

Дөнья матур, дөнья киң.

Сугыш кына кабынмасын,

Илләр тыныч булсын, дим

 

Мин – сугыш елы баласы,

Җанымда  — газаплары.

Иминлектә үтсә иде,

Гомерем азаклары, -дип яза бүген гомер бәйрәмен билгеләп үтүче шигъри күңелле, сугыш чоры баласы Роза Вәгыйз кызы Шәйхетдинова. Тормыш юлыгызда  күп сынаулар үтәргә туры килсә дә, бүгенге көнегез матур һәм якты Сезнең. Мәгънәле, эчтәлекле шигырьләрегез һәркемдә  соклану уята.  Гүзәл туган як, иң кадерле кешеләр —  әти-әни, яшьлек, мәхәббәт, хезмәт кешесенә дан җырлаган әсәрләрегездән   һәрвакыт җылылык бөркелә. Роза Вәгыйз кызы Сезне чын күңелдән туган көнегез белән котлыйбыз! Ходай биргән гомерегезне сәламәт булып, күңел тынычлыгында, кайгы-хәсрәтсез, борчу-мәшәкатьсез, шатлык-сөенечләр белән яшәргә язсын.

 

Опубликовать в Мой Мир
Аудио


Башка язмалар
вход
Яндекс.Метрика