"Казан арты" музее

Бүген «Казан арты» тарих-этнография музеенда татар халкының йөзек кашларының берсе булган Халык Язучысы, Тукай премиясе иясе Гомәр Бәшировның тууына 125 ел уңаеннан салмак уку сеансы үтте: «Әни» хикәясе, «Көзге ачы җилләрдә»повестеннән өзек укылды. Килгән кунаклар Гомәр Бәширов, аның иҗаты турында истәлекләр һәм фикерләр белән уртаклаштылар.
Татар әдәбиятының күренекле вәкиле, халык язучысы Гомәр Бәшировның исеме һәм иҗаты һәркемгә таныш. Аның әсәрләре безнең күңелләрдә тирән эз калдырган, милли рухыбызны баеткан. Гомәр Бәшировны, аның иҗатын искә алу – ул безнең өчен зур хөрмәт һәм рәхмәт белдерү билгесе.

9 декабрь көнне илебез Ватан Геройлары көнен билгеләп үтә.
Һәр төбәк, һәр ил изге яуда батырлык, чиксез каһарманлык үрнәге күрсәткән, ил-көннәрнең тыныч вакытында намуслы, фидакарь хезмәт нәтиҗәсендә данланган Геройлары белән горурлана.
Ватан Геройлары көнен бәйрәм итү- ул бабаларыбызның батырлыгын искә алу гына түгел, ә Советлар Союзы Геройларын, Россия Геройларын, Изге Георгий һәм Дан орденнары кавалерларын хөрмәтләү дә булып тора.
Бәйрәм алдыннан музеебызда «Бөек батырлык эзләре буенча» исемле тарихи-патриотик сәгать узды. Чара барышында укучыларга Ватаныбыз Геройлары турында сөйләдек. Герой — ул исем яки орден гына түгел. Аңа лаек булган кеше — Ватанга карата чын мәхәббәт, кыюлык, намус, фидакарьлек үрнәге.

Извините, эта запись доступна для языка Русский.

Бүген Музей хезмәткәрләре Яңа Кенәр мәктәбе укучылары белән «Казан җөе» һәм табигый күннән аксессуарлар ясау буенча мастер-класс оештырды. Борынгы бабаларыбыздан калган кул һөнәре балаларның күңеленә хуш килгәндер дип өметләнәбез!

Бөтенроссия Татар журналистлары форумы кунаклары «Казан арты» музее һәм аның филлиалларында булып, бай эчтәлекле экскурсияләр тыңладылар. Дәрәҗәле кунаклар музейлар эшчәнлегенә югары бәя бирде!

«Казан җөе» интерактив лекциясе катнашучыларга әлеге техниканың тарихи тамырлары турында мәгълүмат алырга һәм осталарның җитәкчелегендә аны үзләштерергә мөмкинлек бирә. Лекция теория һәм практика блокларын үз эченә алуы нәтиҗәсендә, һәр катнашучы процесска тирәнрәк кереп, уникаль тәҗрибә алуга ирешә.

Бүген Татарстанның халык язучысы Гариф Ахуновның тууына 100 ел уңаеннан Арча халкына үзе, гаиләсе һәм замандашлары сурәтләнгән «Гариф Ахунов: шәхес, иҗат, заман» исемле фотокүргәзмә тәкъдим иттек.
Шәһәребезнең Җиңү паркында оештырылган күргәзмә һәркемнең күңеленә дә хуш килде!

Татарстанның атказанган сәнгать эшлеклесе Рәшит Хәмит улы Гаимов Татарстанның халык язучысы Гариф Ахуновның портретын ясап, бүгенге әдәби чарада музеебызга бүләк итте.

Рәсем искиткеч килеп чыккан бит! Килешәсезме, дуслар?

#АрскКультура #КазанАртыМузее

Татарстанның халык язучысы Гариф Ахуновның тууына 100 ел тулу уңаеннан Арча сәнгать мәктәбендә әдипнең замандашлары сурәтләнгән фотокүргәзмә тәкъдим иттек.

Күргәзмәдәге фотоларның оригиналы «Казан арты» тарих-этнография музеенда саклана. Алар төрле елларда Гариф Ахунов үзе бүләк иткән булуы белән үзенчәлекле.

#АрскКультура #КазанАртыМузее

✒️ ️Яшьлек – кеше гомеренең иң матур, иң кадерле чагы, һәркем яшьлеген яшьлеге
узгач сагына. Әйтергә теләгәнем – яшьлекне һәркемгә дә матур итеп сагынырга язсын иде. Моның өчен адәм баласына бер генә нәрсә кирәк – гомер юлдашыңны
дөрес сайлый белү.

✒️ Туган телебезгә карата мәхәббәт тәрбияли алган укытучы – бәхетле укытучы
ул. Кеше рухын тәрбияли алган укытучы.

✒️ Теле булмаган язучыны, телгә битараф язучыны мин начар педагогтан, телгә
үзе дә формаль караган педагогтан белем алган язучы дип саныйм.

📝 Әлеге юлларның авторы күренекле якташыбыз, татар язучысы, драматург, публицист һәм күренекле җәмәгать эшлеклесе, Габдулла Тукай исемендәге дәүләт премиясе лауреаты Гариф Ахунов. Бүген, ягъни 18 сентябрьдә аның тууына 100 ел тулды.

📚 Гариф Ахунов «Артышлы тау буенда», «Канатлар кая илтә?», «Хәзинә», «Хуҗалар», «Чикләвек төше», «Олы юлга сәяхәт», «Ардуан батыр», «Без бит Арча яклары», «Йолдызлар калка» кебек затлы әсәрләр авторы.

Әдипнең туган авылы Кече Өчиледә иганәче «Таттелеком» ААҖ ярдәме белән «Ахун чишмәсе» истәлек комплексы ясап куелган, “Казан арты” тарих-этнография музеенда махсус экспозицияләр эшли, Арча шәһәренең Язучылар аллеясында әдипнең бюсты урнаштырылган. Моннан тыш Казанбаш мәктәбе Гариф Ахунов исемен йөртә һәм бүген анда әдип иҗатына багышланган музей-бүлмә дә ачылачак. 🎉

#АрскКультура #КазанАртыМузее