"Казан арты" музее

«Казан арты» тарих-этнография музее бөек шагыйребез Габдулла Тукайның тууына 140 ел уңаеннан Казан арты районнары мәктәпләренең 1-9 класс укучылары катнашында 2026 елның 14 апрелендә «Моңлы сазым» дип исемләнгән районара әдәби-музыкаль конкурс уздырды.

Конкурс түбәндәге номинацияләрдә узды:
— Г.Тукайның шигъри әсәрләрен укучылар; (1-4 сыйныф) – 34 катнашучы

1 урын Файзрахманов Нурсолтан Руслан улы ( В.Ежков исемендәге 1 нче номерлы Арча урта мәктәбе, 4 сыйныф, җитәкчесе: Ахунова Ләйсән  Гәбделләхәт кызы)

2 урын Асадуллина Амилә Алмаз кызы (“Шушмабаш урта гомуми белем мәктәбе», 3 сыйныф, җитәкчесе: Зайнагова Лилия Рафикъ кызы,)

3 урын Галиев Самир Руслан улы (Арча 5 нче гимназиясенең «Зур Бирәзә башлангыч мәктәбе» филиалы, 4 сыйныф, җитәкчесе: Зөбәерова Римма Әнвәр кызы)

-Г.Тукай сүзләренә иҗат ителгән җырларны башкаручылар; (1-4 сыйныф) – 3 катнашучы

1 урын Миннибаева Амира Ильназовна ( Арчаның 6нчы номерлы урта гомуми белем мәктәбе,1 сыйныф, җитәкчесе:Рамазанова Рузиля Рафаил кызы)

2 урын Камалетдинова Дилә Фәргать кызы (“Шушмабаш урта гомуми белем мәктәбе», 4 сыйныф, җитәкчесе: Габитова Лилия Мөдәрис кызы)

3 урын Шәкүров Исмәгыйль Илнур улы (“Г.Тукай исемендәге Ашытбаш урта мәктәбе”,2 сыйныф, җитәкчеләре: Гарифуллина Фәния Рауис кызы, Ибрагимова Люция Фәрид кызы )

-Г.Тукай һәм аның иҗаты балаларның рәсемнәрендә; (1-4 сыйныф) – 17 рәсем

1 урын Әхмәтханов Кәрим Рамил улы (Лесхоз гомуми белем мәктәбе, 4 сыйныф, җитәкчесе:Зәйнуллина Әлфия ТаҺир кызы)

2 урын Муйдинов Мурад Санжарбек улы (Ашытбаш урта мәктәбе, 2 сыйныф, җитәкчеләре :Гарифуллина Фәния Рауис кызы, Ибрагимова Люция Фәрид кызы)

3 урын Абдуллин Аяз Айдар улы («Кәче төп гомуми белем мәктәбе», 4 сыйныф, җитәкчесе: Мөхәмәтшина Эльмира Госман кызы)

-Г.Тукайның шигъри әсәрләрен укучылар;( 5-9 сыйныф) – 11 катнашучы

1 урын Мөхәммәтшина Инзилә Фәнис кызы (Әллүки балалар театр студиясе, 8 сыйныф, җитәкчесе: Мөхәммәтгалиева Ләйлә Ринат кызы)

2 урын Миннебаева Зухра Нияз кызы (Арча 5 гимназиясе, 5 сыйныф, җитәкчесе:
Ахунова Ләйсән  Гәбделләхәт кызы)

3 урын Фазылҗанова Мәликә Инсаф кызы (Пөшәңгәр күпфункцияле үзәге, 5 сыйныф, җитәкчесе: Шәвәлиева Илүзә Ингел кызы)

-Г.Тукай сүзләренә иҗат ителгән җырларны башкаручылар; (5-9 сыйныф) – 7 катнашучы

1 урын Әхтәмов Фазыл Айрат улы (Пөшәңгәр күпфункцияле үзәге, 5 сыйныф, җитәкчесе: Шәвәлиева Илүзә Ингел кызы )

2 урын Гиниятуллина Зәринә Зөлфәт кызы (Арча 7 нче номерлы урта мәктәп, 7 сыйныф , җитәкчесе: Исмәгыйлев Рәдиф Миннехан улы)

3 урын Хаҗиева Алсу Айрат кызы (Арча 5 гимназиясе, 5 сыйныф, җитәкчесе:
Сагитова Миләүшә Рамазан кызы)

-Г.Тукай һәм аның иҗаты балаларның рәсемнәрендә; (5-9 сыйныф) – 13 рәсем

1 урын Фәсхиева Саида Илнур кызы (Теләче сәнгать мәктәбе, 5 сыйныф, җитәкчесе: Калжанова Илсия Назир кызы)

2 урын Гыйләҗова Фирүза Илдус кызы (Теләче сәнгать мәктәбе, 5 сыйныф, җитәкчесе: Калжанова Илсия Назир кызы)

3 урын Котдусова Камилә Ринат кызы (Арча сәнгать мәктәбе, 7 сыйныф,җитәкчеләре: Кәримова А.А. Галимҗанова А.Р. Котдусова Г.Ф.)

«Моңлы сазым”исемле районара иҗат бәйгесендә катнашучы һәр укучы матур чыгыш ясады. Аларга диплом һәм истәлекле бүләкләр тапшырылды. Арча районы укучылары Г. Тукай иҗаты белән кызыксынып, рухланып яши. Укучыларга һәм аларны әзерләгән укытучыларына киләчәктә дә иҗади уңышлар телибез!

✨️✨️🏛 «Казан арты» музеенда Татарстанның атказанган сәнгать эшлеклесе, күренекле рәссам Рәшит Хәмит улы Гаимовның 75 яшьлек юбилее уңаеннан шәхси күргәзмәсен ачу тантанасы узды.

🎨»Нәселемнең тамырлары» исемле күргәзмә сәнгать белгечләре һәм туган як тарихына, мәдәниятенә битараф булмаган һәркем өчен чын бүләк булды.

💮Күргәзмәдә шәһәр күренешләре, Арчабызның урамнары, тарихи биналары, гүзәл табигате күрсәтелә.

✍Рәшит Хәмит улы Арча төбәгеннән чыккан күренекле язучылар һәм шагыйрьләрнең портретлары аша аларның тышкы кыяфәтләрен генә түгел, ә эчке дөньяларын да күрсәтә, образларын киләчәк буыннар өчен мәңгеләштерә.

📜 Офорт стилендә ясалган картиналар аерым игътибарга лаек. Алар аша без гүя тарихка кире кайтабыз.

📢Сезне әлеге күргәзмә белән танышу өчен музеебызда көтеп калабыз.
#АрскКультура#КазанАртыМузее

Извините, эта запись доступна для языка Русский.

Извините, эта запись доступна для языка Русский.

🔹️Бөек татар шагыйре, Советлар Союзы Герое Муса Җәлилнең тууына 120 ел тулу уңаеннан бүген музеебызда герой-шагыйрьгә багышланган чара узды. Арча 1 нче балалар бакчасында тәрбияләнүчеләр Муса Җәлил шигырьләрен сөйләп, сәхнәләштерделәр. Шагыйрьнең тормыш юлы һәм каһарманлыгы турындагы мәгълүматлар балалар күңелендә соклану хисләре уятты.

✨️Җәлил — татар халкының горурлыгы, йөз аклыгы һәм намусы. Болай гына да түгел, Муса Җәлил исеме бүген татар халкының рухи батырлыгын һәм күңел аклыгын белдерүче символ булып та яши.
#АрскКультура
#КазанАртыМузее

Извините, эта запись доступна для языка Русский.

Бүген, 27 гыйнвар, Ленинград камалышын өзүгә — 82 ел.
Ил тарихына мәңгегә уелып калган бу 872 көн һәм төн – барлык буыннар өчен чиксез батырлык, чыдамлык һәм җимерелмәс рухның мәңгелек символы.

Ленинградны дошман камавыннан азат итүчеләрнең берсе — якташыбыз Фазылҗанов Сәлмән Фазылҗан улының сугыш елы истәлекләреннән:

📖🖋 «Бер ай Суслонгерда хезмәт иткәннән соң, берничә йөз кешене эшелонга төяп Ленинград юнәлешенә җибәрделәр. Ладога күле бозы өстеннән «Тормыш юлы» буйлап дошман блокадасында калган Ленинград шәһәренә кердек…

Көнен-төнен Ленинград өстенә дошман снарядлары һәм бомбалары явып тора, йортлар, завод-фабрикалар җимерелә. Бик күп халык җимерекләр астында калды. Ленинградчылар ачлыктан һәм суыктан интекте. Хәрбиләргә, эшләгән кешеләргә 250 грамм, калганнарга 125 грамм кибәк кушкан икмәк бирелә. Шәһәр транспорты йөрми, кешеләр хәлсезләнә, күп кеше кырыла…

Шулай да Ленинград шәһәре яшәде, көрәште һәм бөтен ил белән бергә немец-фашист илбасарларын тар-мар итәргә хәзерләнде… Гыйнвар ахырында Ленинград шәһәре тулысынча блокададан чыга, азат ителә.»

✉️📝️ Көчле рухлы, батыр, курку белмәс чын татар ирләренең берсе булган Сәлмән бабай истәлегенә багышланган әлеге кулъязма музей фондында саклана.

#АрскКультура #КазанАртыМузее #фотоларда_арча_тарихы #МузейФонды

Извините, эта запись доступна для языка Русский.

Бүген «Казан арты» тарих-этнография музеенда татар халкының йөзек кашларының берсе булган Халык Язучысы, Тукай премиясе иясе Гомәр Бәшировның тууына 125 ел уңаеннан салмак уку сеансы үтте: «Әни» хикәясе, «Көзге ачы җилләрдә»повестеннән өзек укылды. Килгән кунаклар Гомәр Бәширов, аның иҗаты турында истәлекләр һәм фикерләр белән уртаклаштылар.
Татар әдәбиятының күренекле вәкиле, халык язучысы Гомәр Бәшировның исеме һәм иҗаты һәркемгә таныш. Аның әсәрләре безнең күңелләрдә тирән эз калдырган, милли рухыбызны баеткан. Гомәр Бәшировны, аның иҗатын искә алу – ул безнең өчен зур хөрмәт һәм рәхмәт белдерү билгесе.

9 декабрь көнне илебез Ватан Геройлары көнен билгеләп үтә.
Һәр төбәк, һәр ил изге яуда батырлык, чиксез каһарманлык үрнәге күрсәткән, ил-көннәрнең тыныч вакытында намуслы, фидакарь хезмәт нәтиҗәсендә данланган Геройлары белән горурлана.
Ватан Геройлары көнен бәйрәм итү- ул бабаларыбызның батырлыгын искә алу гына түгел, ә Советлар Союзы Геройларын, Россия Геройларын, Изге Георгий һәм Дан орденнары кавалерларын хөрмәтләү дә булып тора.
Бәйрәм алдыннан музеебызда «Бөек батырлык эзләре буенча» исемле тарихи-патриотик сәгать узды. Чара барышында укучыларга Ватаныбыз Геройлары турында сөйләдек. Герой — ул исем яки орден гына түгел. Аңа лаек булган кеше — Ватанга карата чын мәхәббәт, кыюлык, намус, фидакарьлек үрнәге.