Ислам динен рәсми рәвештә кабул итүгә — 1100 ел

Бүген мөнәҗәтләр әйтү бәйгесендә татар дини әдәбиятына һәм язма мәдәниятебезгә багышланган күргәзмә белән катнаштык. Күргәзмә Идел буе Болгар дәүләтендә ислам динен рәсми рәвештә кабул итүнең 1100 еллыгына багышланган иде. Заманында әлеге китапларны безнең әби-бабаларыбыз бик яратып укыган.

Музей төне — 2022

Быелгы #музейтөне акциясе Ислам динен кабул итүнең 1100 еллыгына һәм татар әдәбияты тарихына багышланды. Музейга килгән укучылар XIX гасыр — XX йөз башындагы татар басма һәм кулъязма әдәбияты белән танышты. Аннары экскурсия Арча урамында һәм музеебызның әдәбият-сәнгать бүлегендә дәвам итте. Монда укучылар Социалистик Хезмәт Геройлары, Татар халык язучылары аллеяларында булды, Сызгановлар урамы, Арчаның борынгы архитектурасы турында күп мәгълүмат белде. Музейда исә татар мәгърифәтчеләренең, Гомәр Бәширов һәм Гариф Ахуновның шәхси әйберләрен күрделәр.

19 май – Пионерия туган көн

Йөз ел элек, 1922 елның 19 маенда, СССРда пионерлар оешмасы төзелә. Төрле елларда аның тәрбияләнүчеләре белемсезлеккә каршы көрәшергә булыштылар, госпитальләрдә кизү тордылар, фронтовикларның гаиләләренә булыштылар, өмәләрдә һәм массакүләм чараларда катнаштылар. Шул уңайдан Арчаның мәдәният йортында уздырылган чарада бездә катнаштык һәм үзебезнең күргәзмәбезне тәкъдим иттек.

Делегация в музее

18 мая у нас гостях побывала делегация в составе сотрудников и обучающихся ФГБОУ ВО «Российский государственный педагогический университет имени А.И. Герцена»

Рәхмәт сезгә, рәхмәт Ветераннар, рәхмәт сезгә, аяз күк өчен!

9 Май – безгә тынычлык һәм ирек яулаган әби-бабаларыбызга тирән рәхмәт сүзләре җиткерү, алар өчен горурлык хисләре кичерү бәйрәме! Ул – тиңдәшсез батырлык күрсәтеп, югалтулар бәрабәренә дошманнарны җиңгән батырларны искә алу көне! Миллионлаган гомерләр хисабына яулап алынган тынычлыкны саклау-безнең изге бурыч.

Рәхмәт сезгә, рәхмәт Ветераннар,
Рәхмәт сезгә, аяз күк өчен!
Рәхмәт сезгә, алсу таңнар өчен!
Рәхмәт сезгә, тыныч көн өчен!
Рәхмәт, сезгә — имин төн өчен!

Быел Гомәр Бәшировның «Намус» романы басылып чыкканга 75 ел! Әлеге әсәр дөньяның 40ка якын теленә тәрҗемә итәлгән. Гомәр Бәширов бу әсәре өчен СССРдагы иң югары премия — Сталин премиясенә лаек була. Шул уңайдан, Җиңү парады башланыр алдыннан, әлеге әсәрдән өзек күрсәттек. Олы хөрмәтебезне белдереп Советлар Союзы Геройларыбыз һәм якташ Язучыларыбыз аллеясына чәчәкләр салдык.

Музеебызда Саха (Якутия) кунаклары

“Арча печән базарында”

Милләтебезнең бөек шагыйре Габдулла Тукайның тууына 136 ел уңаеннан оештырылган “Арча печән базарында” музеебыз үзенең сувенирларын тәкъдим итте.

Язгы өмәләр башланып китте

#добрыйтатарстан

#творидобро

#весенняянеделядобра

«Моңлы сазым» районкүләм әдәби-музыкаль бәйге

#добрыйтатарстан

#творидобро

#весенняянеделядобра

Быел милләтебезнең бөек шагыйре Габдулла Тукай тууына 136 ел. Тукай – ул безнең горурлыгыбыз. Шул уңайдан Арча районы мәктәпләрендә, мәдәният сарайларында Габдулла Тукай туган көненә багышланган әдәби-музыкаль кичәләр уздырыла. Г.Тукай дөньяда бары тик 27 ел гына яшәп, 8 ел гына иҗат иткән. Шулай булса да ул татар халкы өчен гаять зур, бәя биреп бетермәслек рухи байлык калдырган. Аның тормышы һәм иҗаты- халкыбыз тарихында иң якты, иң изге сәхифәләрнең берсе. Балачактан күңелләребезгә кергән Тукай безне гомеребез буена озата бара. Бүгенге көндә дә аның әсәрләре яратып укыла.
Музеебызда шулай ук ел саен апрель аенда сөекле шагыйребезне искә алып “Моңлы сазым”исемле иҗат бәйгесе оештырылып килә. Бүген, 22 апрель дә, “ Казан арты” тарих-этнография музеенда “Моңлы сазым” исемле районкүләм әдәби-музыкаль конкурс уздырылды. Иҗади бәйге 3 номинациядә узды:
-Г.Тукайның шигъри әсәрләрен укучылар; (шигырь)
-Г.Тукай сүзләренә иҗат ителгән җырларны башкаручылар; (җыр)
-укучыларның Г.Тукайга багышлап яки аның иҗатына ияреп язган шигъри әсәрләре; (иҗат)
“Моңлы сазым” исемле районкүләм әдәби-музыкаль бәйгедә 40 ка якын районыбызның иң көчле укучылары көч сынашты. Ахырдан конкурска нәтиҗә ясап, җиңүчеләргә диплом һәм истәлекле бүләкләртапшырылды.
Катнашкан укучыларга һәм аларны әзерләгән укытучыларга бик зур рәхмәтебезне җиткерәбез!

21 апрель-Җирле үзидарә органнары  хезмәткәрләре көне

21 апрель-Җирле үзидарә органнары  хезмәткәрләре көне уңаеннан Арча мәдәният йортында күргәзмә һәм фондтагы тарихи альбомнар тәкъдим ителде.

Аудио


Башка язмалар
вход
Яндекс.Метрика