"Казан арты" музее

Быел милләтебезнең бөек шагыйре Габдулла Тукай тууына 135 ел була. Шул уңайдан музеебызда «Тукай баттл” интеллектуал уены оештырылды. Арчабызның  ветераннар, китапханәчеләр, яшьләр  командасы көч сынашты. Ярышта катнашучыларның Г. Тукай иҗатына, тормыш юлына битараф булмаулары яхшы күренеш.  Шулай булса да, сорауларга җавап биргәндә бераз уйланырга мәҗбүр булды катнашучылар. Китапханәчеләр беренче урынны алды.