"Казан арты" музее

25 августта Туфан Миңнуллинның тууына 80 ел тулды. Туфан ага 2012 елның 25 апрелендә Арча районында була, шул ук елның 3 нче маенда бакый дөньяга күчә. Сезгә аның Яңа Кырлай авылына соңгы килүендә сөйләгән чыгышыннан өзек тәкъдим итәбез. Аудионы журналист Нәсим Акмал язып алган.

Бу юл драматургның арчалыларга соңгы васыяте кебек: “Мин сезгә тәүфыйк телим! Бездән дә акыллырак булыгыз, бездән дә тәүфыйклырак булыгыз!”

Шушы минут ярымлык язмадагы кайбер җөмләләр шигарь булып яңгырый:

***

“Беркайчан да без үз телебене онытмаячакбыз! Без әле безнең телебезгә кабер казучыларның каберләре янында татар телендә сөйләшәчәкбез!”

***

«Татар теле дөньядагы бер генә халыкның да теленнән ким түгел!»

***

“Әгәр теге яки бу телдә «әти-әни» сүзен әйтә аласың икән, әгәр дә теге яки бу телдә «яратам» дип әйтә аласың икән, ул тел бөек!”

***

«Тукай безнең иманыбызны яңартып, юнәлешебезне билгели торган шәхес».

***

“Дәүләтләре булмаган илдә дәүләт ролен шәхесләр үти. Безнең Тукай татар халкының дәүләте.”

***

“ТАТМЕДИА” АҖ генераль директоры урынбасары Сөмбел Таишева, “Идел”, “Гаилә һәм мәктәп”, “Безнең мирас”, “Сабантуй”  журналларының баш мөхәррирләре Радик Сабиров, Гөлүсә Закирова, Ләбиб Лерон, Айдар Гыймадиев «Казан арты» тарих-этнография музеенда, аның әдәбият-сәнгать бүлегендә һәм Мөхәммәт Мәһдиев музей филиалында булды. Безнең фоторепортаж:

Якташыбыз, язучы Вакыйф Нуриевның әнисе Нәкыя апаның Мөхәммәт Мәһдиев турында истәлекләре.

Якташыбыз Фәрваз Миңнуллин турында кызы Йолдыз һәм авылдашлары, туганнары истәлекләре. Безнең видео репортаж:

https://youtu.be/kN8hfJy5s2c …

Әдәбият һәм сәнгать бүлегендә “2015 – әдәбият елы” дигән күргәзмә эшли. Анда бүгенге көндә иҗат итүче якташ язучыларыбызның әсәрләре тупланган. Безнең фоторепортаж:

20 август көнне «Казан арты» тарих-этнография музеенда Татарстан Республикасы мәдәният министры Сибагатуллин Айрат Миңнемулла улы мәдәният хезмәткәрләре белән очрашты. Безнең фоторепортаж:

Кичә Питрәч районы Ленино-Кокушкино авылында урнашкан В.И.Ленин музей-йортына сәфәр кылдык, андагы хезмәттәшләребезнең эш тәҗрибәләрен өйрәндек. Әлеге тарихи урын Владимир Ильич Ленинның балалык еллары белән бәйле һәм булачак юлбашчы беренче сөргенгә дә бирегә җибәрелгән. Музей территориясендәге биналар, табигать күренешләре, экспозицияләрдән кайбер фоторәсемнәрне сезнең дә игътибарыгызга тәкъдим итәбез:

Бүген «Казан арты» тарих-этнография музеенда журналист, шагыйрь, РСФСРның атказанган төзүчесе Вәзыйх Рәхимовны искә алу кичәсе узды. Кичәдә әдипнең шигырьләре укылды, аның турында хатирәләр яңартылды. Ә иң мөһиме — укучыларга шагыйрьнең «Тик яхшы сүз яхшылыкка бара әйдәп» дип исемләнгән тәүге китабы тәкъдим ителде. Китапның иганәчесе “Арча МСО”сы ширкәте җитәкчесе Зиннур Гарифуллин, төзүчесе — музей хезмәткәрләре. Игътибарыгызга берничә фото тәкъдим итәбез:

1 августта «Казан арты» тарих-этнография музее хезмәткәрләре башкалабыз Казанның “Каенлык” аланында узган республика Сабан туе бәйрәмендә катнашты. Арчалылар һәм башка район һөнәрчеләре, мәдәният хезмәткәрләренең Сабантуйда тәкъдим иткән этномәдәни мирасы, йолалары һәм традицион һөнәрчелеге тасвирланган фотолар белән музейга килеп танышырга мөмкин. Берничә фотоны сезнең хозурыгызга тәкъдим итәбез: