"Казан арты" музее

2023 нче ел — Татарстан Республикасында Милли мәдәниятләр һәм гореф-гадәтләр елы дип игълан ителде. Яшь буында туган телебезгә, милләткә һәм аның гореф-гадәтләренә, йолаларына мәхәббәт тәрбияләү- иң мөһим бурычларыбызның берсе. Районыбызда бу юнәлештә бик күп эшләр алып барыла. Төрле кичәләр, осталык дәресләре, күргәзмәләр оештырыла. Мәдәният идарәсе,“Казан арты” тарих-этнография музее һәм Арча районы ветераннар Советы игълан иткән «Гел бәрәкәт өстәп торсын ата-бабаларның һөнәре!» исемле бәйге дә һөнәрчеләребезне барлау, халыкка таныту максаты белән оештырылды. Бәйге нигезендә безнең районда гомер итүче ветераннарыбыз төрле кул эшләнмәләрен тәкъдим иттеләр. Ниләр генә эшләми осталар – тегәләр, чигәләр, бәйлиләр, үрәләр, курчаклар, төрле материаллардан чәчәкләр ясыйлар. Хезмәтләрнең кайсын гына алсаң да, күз явын алырлык, һәрберсе күңел җылысын биреп эшләнгән. Бүген  музеебызда бәйгегә килгән эшләрдән торган күргәзмәне ачу тантанасы узды. Күргәзмәне  Арча районы башкарма комитеты җитәкчесе урынбасары Вафина Эльвира Шамил кызы ачып җибәрде. Шулай ук  күргәзмә ачылышында Арча районы мөслимәләр берлеге җитәкчесе  Фатхуллина Рая Ахун кызы , ветераннар советы рәисе Хамидуллина Рамзия Шәрип кызы , хатын-кызлар оешмасы җитәкчесе Гатауллина Алмира Мидхәт кызы, шулай ук Арча районы ветераннары катнашты. Ветеран-педагог Вафина Халидә Фоат кызы үзенең матур җырлары белән кичәгә тагы да ямь өстәде.

Шунысы куанычлы, бүгенге көндә дә райондашларыбыз арасында ата-бабаларыбыз һөнәрләрен дәвам итүчеләр бихисап. Хезмәтләрен яшь буынга өйрәтеп, тапшырып калдыручылар – чын фидакарьләр!

Казан арты тарих-этнография музеенда  Арча ветераннарының кул эшләнмәләреннән оештырылган «Гел бәрәкәт өстәп торсын ата-бабаларның һөнәре!»дигән эчтәлекле күргәзмә белән һәркем якыннан таныша ала. Килегез! Күрегез!

В рамках проекта «Я здесь живу и край мне этот дорог»​ в филиале МБУ “АИЭМ “Казан арты” – музее “Алифба” состоялся литературно-музыкальный вечер «Яхшы укытучылар яхшы укучыларны тудыра», посвященный 109 – летию со дня рождения соавтора «Алифбы» Рамзии Валитовой. ​ На мероприятие были приглашены ученики Рамзии Валитовой и Салея Вагизова, которые поделились теплыми воспоминаниями о своем учителе и будущие педагоги. Вечер украсили музыкальные номера студентов Арского педагогического колледжа имени Габдуллы Тукая.

Проект реализуется с использованием средств гранта​ Республики Татарстан на развитие гражданского общества 2022 года.
#АрскКультура
#КазанАртыМузее
#ӘлифбаМузее
#МузейМагдеева
#РРЦпоподдержкеСОНКО

Урамда яз! Кара каргалар кайтканнар… Тиздән сыерчыклар да күренер. Безнең ояларыбыз күптән әзер! Сез дә сыерчыклар килүен көтәсезме, дуслар?

Фотода Арчаның 1 нче номерлы мәктәбенең 5 нче сыйныф укучылары. Җитәкчеләре Алтухова Татьяна Юрьевна.

❓Ничәнче еллар бу, кем белә? Языгыз!📝

Бүген авыл хуҗалыгында тырышып хезмәт иткән, иҗат белән актив шөгыльләнгән якташыбыз Ринат Рәхим улы Рәхимовның тууына 84 ел. Дөрестән дә, авыл хуҗалыгы белгече буларак, якташыбыз авылны, җир эшен, авыл хезмәтчәннәренең тормышын яхшы белә һәм күп кенә шигырьләрен дә шул темага иҗат итә. Аның шигырьләре туган ягыбызны яратырга, игенче хезмәтенә хөрмәт белән карарга, үткән тарихыбызны онытмаска кирәклеген өйрәтә; авыл кешесенә, аның хезмәтенә мәхәббәт уята.

Уйлан син, син кешем: аналар, аналар –
Бары да орлыгын – баласын авырдан табалар.
Дөньяда орлыкны – тормышны тудырган,
Барысын күтәргән Җир-туфрак — ана бар.

Музеебызның этнография бүлеге мөдире Хаҗиева Гөлүсә Нургали кызы Татарстанның атказанган укытучысы Гарипов Шәфигулла Зәйнулла улы белән берлектә Ашытбаш һәм Яңа Кырлай мәктәбе укучылары өчен «Туган ил кайдан башлана?» проекты кысаларында “Арча районының истәлекле урыннары, тарихи һәйкәлләре” дигән темага эчтәлекле лекция уздырды.

Бүген якташ язучыбыз, филология фәннәре кандидаты Гүзәл Әдһәм үзенең туган көнен​ билгеләп үтә. Аңа ныклы сәламәтлек, гаилә тигезлеге, балаларының, оныкларының игелеген күреп, озак еллар әдәбият сөючеләрне иҗат уңышлары белән сөендереп яшәвен телибез.

Аның иҗаты белән якынрак танышырга теләүчеләрне “Казан арты” тарих-этнография музееның “Әдәбият һәм сәнгать” бүлегендә оештырылган “Шәхесләр белән бизәлә туган як тарихлары” күргәзмәсенә чакырып калабыз.
#АрскКультура
#КазанАртыМузее

Язның иң матур бәйрәме – 8 март  Халыкара хатын-кызлар көне белән чын күңелдән тәбрик итәбез!

Сезнең һәрвакыт шулай чибәр, мөлаем, зирәк һәм игътибарлы, ярдәмчел һәм киң күңелле булып калугызны телибез. Күзләрегез һәрвакыт яз кояшы кебек җылылык һәм наз сибеп балкып торсын. Тормышыгыз шатлыклыклы мизгелләргә бай булсын, якын кешеләрегез кадерегезне белеп яшәсен. Язның  иң матур бәйрәме сезгә бары тик сәламәтлек, бәхет һәм бәрәкәт китерсен, тормышыгызга ямь, яшәү көче өстәсен!

#РРЦпоподдержкеСОНКО

#АрскКультура

В рамках проекта «Я здесь живу и край мне этот дорог» в музеях представлены выставки по творчеству поэтессы, ветерана культуры Шайхетдиновой Р.В. «Хәзинәле җәүҺәр».
С выставкой ознакомились учащиеся школ, ветераны и жители Арского района.

Проект реализуется с использованием средств гранта Республики Татарстан на развитие гражданского общества 2022 года.

В конференц-зале музея для учеников и студентов Арского района был организован показ фильма — драмы «Мин сине сагынам» на русском языке, который рассказывает о жизни татарстанских семей, приютивших в годы Великой Отечественной войны эвакуированных детей. Это фильм о многоликой истории родного края; о подвиге, о мужестве, о бытовом героизме, которыми были преисполнены судьбы наших земляков.​

На показе присутствовали актеры, снимавшиеся в фильме. Зрители смогли пообщаться с ними, задать им интересующие их вопросы.

21 нче февраль — һәр милләт, һәр халык өчен бәйрәм көн – Халыкара туган тел көне. Туган тел! Һәркем өчен дә газиз сүз. Чөнки иң кадерле “әти”, “әни”, “бабай”, “әби” сүзләрен туган телдә әйтәбез. Туган телебезнең, торган җиребезнең кадерле булуын без иң элек туган тел аша тоябыз.
Шул уңайдан Лесхоз мәктәбе укучылары белән “Туган телем – иркә гөлем” исемле эчтәлекле әңгәмә оештырылды. Туган телгә багышланган шигырьләр сөйләнде, җырлар җырланды,татар халкының мәкальләре әйтелде.
Туган телләребезне саклыйк, яклыйк, чөнки милләтнең яшәешендә туган тел – татар теле иң мөһим урыннарның берсен алып тора.