Район мәдәният хезмәткәрләренең хисап җыелышы

Җыелышта ТР Министрлар Кабинеты каршындагы Баш архив идарәсе җитәкчесе Әюпова Ирада Хафизҗан кызы, Арча муниципаль районы башкарма комитеты җитәкчесенең социаль мәсьәләләр буенча урынбасары Гарифҗанов Рамил Илгиз улы, Арча муниципаль районы башкарма комитетының “Мәдәният идарәсе” муниципаль учреждениесе җитәкчесе Мөхетдинов Рамил Рафис улы, музей, китапханәләр, сәнгать мәктәбе, район мәдәният йортлары хезмәткәрләре катнашты.

 

Язучыларның балалары белән очрашу

Бүген «Казан арты» тарих-этнография музее хезмәткәрләре Казан каласында әдәбият галиме Хәй Хисмәтуллинның кызы, химия фәннәре кандидаты Ләйлә Хисмәтуллина, оныгы, физика-математика фәннәре кандидаты, РФА Казан фәнни үзәгенең Механика һәм машина төзелеше институты галимәсе Наилә Хисмәтуллина; язучы Госман Бакировның энесе, хезмәт ветераны Рөстәм Бакиров, кызы, медицина фәннәре кандидаты Суфия Бакирова, оныгы Айдар; язучы Диас Вәлиевның хатыны, сәнгать фәннәре кандидаты Вәлиева Динә Кәрим кызы белән очрашты. Мөхтәрәм якташларыбызның угыл-кызлары музей фондына тапшырган документлар, китаплар, фоторәсемнәр, язучыларның шәхси әйберләре белән «Казан арты» тарих-этнография музееның әдәбият-сәнгать бүлегендә танышырга мөмкин. Тәфсилле фото һәм видео репортаж сайтка соңрак куелачак.

Кесмәс буе

Районыбыздагы табигать һәйкәле — Кесмәс елгасы буендагы күл-сазлык. Мөхәммәт Мәһдиев әсәрләрендәге күп кенә вакыйгалар һәм сүрәтләнгән табигать күренешләре шушы елга, аның үзәнлеге белән бәйле.

Зиннур Тимергалиевның китабын тәкъдим итү

Бүген «Казан арты» тарих-этнография музеенда шагыйрь һәм язучы Зиннур Тимергалиевның «Кичә яраттым» дип исемләнгән китабын укучыларга тәкъдим итү кичәсе булды. Безнең фоторепортаж:

Хәнәфи Бәдигыйның иҗат кичәсе

Бүген Арча үзәк китапханәсендә шагыйрь һәм галим Хәнәфи Бәдигыйның иҗат кичәсе узды. Китапханәчеләр оештырган әлеге әдәби чарада «Казан арты» тарих-этнография музее хезмәткәрләре дә катнашты. Безнең фоторепортаж:

Яңа китапларны тәкъдим итү

Арча үзәк китапханәсе хезмәткәрләре «Казан арты» тарих-этнография музеенда “Гариф Ахунов исемендәге әдәбият премиясе лауреатлары” китабын һәм “Каурый каләм” иҗат берләшмәсе әгъзаларының “Шигъри тәлгәшләр”  дигән җыентыгын укучыларга тәкъдим итү кичәсен оештырды. Безнең фоторепортаж:

Арчада Гомәр Бәшировны искә алу

Арча шәһәрендә СССР Дәүләт премиясе, Г.Тукай исемендәге Дәүләт премиясе лауреаты, Татарстан Халык язучысы, фольклорчы Гомәр Бәшировның тууына 115 ел тулу уңаеннан искә алу кичәсе булды. Әлеге чарага язучының улы Зөфәр Бәширов, оныгы Гәүһәр Мәһдиева, туганы Җәүһәр Галимова кайтты. Зөфәр ага Бәширов музей фондына язучының Арчага мөнәсәбәтле фоторәсемнәрен һәм портретын бүләк итте. Безнең фото һәм видео репортаж:

Гомәр Бәшировның авылдашы Рөкыя Мөхәммәтҗанова: «Гомәр ага атабыз кебек шәхес иде…»

Зөфәр Бәширов: «Әтиемнең иҗатына бәя биргәндә әнием Кәримә ханымны истән чыгарырга ярамый»

Җәүһәр Галимова: «Мәктәптә, Бәширов иҗатын өйрәнгәндә, бу бит минем кода, минем аларда булганым бар, дип горурланып әйтәсем килде»

Ринат Фазлыйәхмәтов: «Беренче очрашуда ук Гомәр ага: «Ринат, син Арча егете түгел», — дигән иде»

Зөфәр Бәширов: «Әти бөтенесен җиренә җиткереп эшли торган иде»

Гәүһәр Хәсәнова: «Дәү әтине хатын-кыз бик ярата иде. Аның янында кызчыклардан алып әбиләргә кадәр үзләрен хатын-кыз итеп тойды»

Зиннәтов Миңнехан: «Элек Арчага кояш чыккач һәм баеганчы гына керткәннәр»

Тукай клубында Гомәр Бәшировны искә алу

Язучылар берлегенең Тукай клубында Гомәр Бәшировның тууына 115 ел тулуга багышланган искә алу кичәсе булды. Әлеге күркәм кичәдә районыбыздан да вәкилләр катнашты. «Казан арты» тарих-этнография музее хезмәткәрләре язучының китапларыннан, шәхси әйберләреннән күргәзмә оештырды. Безнең фоторепортаж:

Музейда яңа китап

Арчада яшәп иҗат итүче шагыйрь, прозаик Зиннур Тимергалиев музейга үзенең яңа гына басылып чыккан беренче китабын бүләк итте.

Аудио


Все аудио
вход
Яндекс.Метрика